http://jollygossip.blogspot.com/2013/12/blog-post_15.html
ஒவ்வொரு ஹீரோவும் ஒவ்வொரு ஃபார்முலாவை வைத்திருப்பார்கள். பஞ்ச் டயலாக் பேசுவதில் இருந்து டான்ஸ், ஃபைட் என எல்லாவற்றுக்கும் இது பொருந்தும். அட, அவங்க படத்தில் ஹீரோயின் எப்படி இருப்பாங்கன்னுகூட ஃபார்முலாக்கள் இருக்கு. தெரியுமா?
சிவாஜி கணேசன்: இவர் படங்களில் ஹீரோயினின் பெயர்கள் பெரும்பாலும் இரண்டெழுத்திலேயே இருக்கும். எவ்வளவு சிறிய பெயராக இருந்தாலும் அதை நீளமான மாடுலேஷனில் அழைப்பார். இவர் ஹீரோயின்களை, ''மீனாஆஆஆ...'', ''சீதாஆஆஆ...'' என்று அன்பு கலந்து அதிர்ச்சியோடு அழைக்கும் சத்தம் கேட்டு உண்மையிலேயே ஹீரோயின்கள் பயந்துவிடுவார்கள். நாமும்தான்!
எம்.ஜி.ஆர்: இவர் படங்களில் ஹீரோயினின் பெயர்கள் மாடர்னாக இருக்கும். இவர் ஹீரோயின்களை, ''லதா... லதா'', ''விமலா... விமலா'' என்று இரண்டு முறை அவசரமாக, வேகமான மாடுலேஷனில் அழைப்பார். இப்படி எனர்ஜெட்டிக்காக இவர் அழைத்ததும் ஹீரோயின்களுக்கு சந்தோஷமும் புன்னகையும் இன்ஸ்டன்டாக வந்துவிடும். அப்படியும் அவர்களுக்கு உற்சாகம் வரவில்லை என்றால், பாடல் காட்சிகளில் உலுக்கியெடுத்து உற்சாகத்தை வரவழைத்துவிடுவார்!
ஜெமினி கணேசன்: இவர் படங்களில் ஹீரோயின் பெயர்கள் பெரும்பாலும் சாந்தி, வசந்தி, என்றுதான் இருக்கும். இவர் ''ஷ்ஷ்சாஆந்ந்த்த்தி..'' என்று அழைத்தும், விடும் ஹஸ்கி பெருமூச்சிலேயே ஹீரோயின் என்ன மூடில் இருந்தாலும் மனம் மாறி இவர் வசம் ஈர்க்கப்படுவார். இவர்தான் ஹீரோயின்களின் பெயரை உச்சரிப்பதிலேயே விரகதாபத்தைக் கலந்த ஒரு மேஜிக்கல், மெஸ்மரைசிங் மன்னன்!
கமல்: பாரதிராஜாவுக்கு எப்படி 'ஆர்’ எழுத்து ராசியானதோ, அதே போல் உலகநாயகனுக்கு ராசியான எழுத்து அ. இவர் படங்களில் ஹீரோயின் பெயர்கள் பெரும்பாலும் அபிராமி, அபர்ணா, அன்னலட்சுமி, ஆராதனா, என 'அ’ எழுத்தில் ஆரம்பிப்பதாகவே இருக்கும். இவர் எப்போதுமே ஹீரோயினின் பெயரைக் கொஞ்சி, கெஞ்சும் மாடுலேஷனில் அழைப்பார். படத்தில் ஹீரோயினின் பெயரை ரிப்பீட்டாக அடிக்கடி உச்சரிப்பது கமலின் ஸ்டைல்.
ரஜினி: பெரும்பாலும் இவர் படங்களில் ஹீரோயின்களுக்கு சுப்புலட்சுமி, வேதவல்லி, வைத்தீஸ்வரி என சரித்திரப் பெயர்களாகத்தான் இருக்கும். இவர் ஹீரோயின்களை அழைப்பதே தனி ஸ்டைலாக இருக்கும் என்பதைச் சொல்லவும் வேண்டுமா?
No comments:
Post a Comment